| APA-nın Şəki-Zaqatala Bürosu |
|
|
|
|
|
|
|
|
|
|
|
|
|
|
|
|
|
|
|
|
| |
Siyasi, Hadisə, Maraqlı
Baləkən polisi narkotik maddə alveri ilə məşğul olan iki nəfəri saxlayıb
Hafiz Heyder tarih 05.01.2008, 11:00 (UTC) | | | Balakən polisi narkotik maddələrin əkib-becərilməsi, qanunsuz dövriyyəsi və alqı-satqısı ilə məşğul olan iki rayon sakinini həbs edib. Bu barədə APA-nın Şəki-Zaqatala bürosuna Balakən rayon Polis Şöbəsinin (RPŞ) rəis müavini Loğman İsmayılov məlumat verib. Rəis müavininin sözlərinə görə, Daxili İşlər Nazirliyinin Baş Narkotiklərlə Mübarizə İdarəsinin RPŞ-nin əməkdaşları ilə birgə keçirdikləri əməliyyat nəticəsində, rayonun Şərif kənd sakini, Nəbi Həbişov digər rayon sakini Aydın Çöpsiyevin vasitəsilə 495 qram qurudulmuş marixuananı şərti alıcı, Gəncə şəhər sakini Rəis Rüstəmova satarkən yaxalanıb. Aparılan araşdırmalar nəticəsində o da məlum olub ki, N. Həbişov satdığı narkotik maddəni özünə məxsus şəxsi təsərrüfatında əkib becərib. Faktla bağlı N. Həbişovun və A. Çöpsiyevin artıq saxlanıldığını vurğulayan L. İsmayılov araşdırmaların davam etdirildiyini bildirib. /APA/ | | | |
|
Aramsız yağan qar və şaxtalı hava şəraiti Azərbaycanın şimal-qərb bölgəsində problemlər yaradıb
Hafiz Heyder tarih 05.01.2008, 10:59 (UTC) | | | Aramsız yağan qar və şaxtalı hava şəraiti Azərbaycanın şimal-qərb bölgəsində problemlər yaradıb. APA-nın Şəki-Zaqatala bürosunun məlumatına görə, Şəki, Qax, Zaqatala və Balakən rayonlarında yolları buz bağlayıb, nəqliyyatın hərəkəti iflic olub. Bölgədə ən çox qar isə Şəki rayonuna yağıb. Şəkinin mərkəzinə düşən qarın həcmi 30 santimetr, dağətəyi kəndlərdə isə 50-60 santimetrdir. Magistral və daxili yollarda nəqliyyatın hərəkətində yaranmış olan problemi aradan qaldırmaq məqsədi ilə Dövlət Yol Polisi gücləndirilmiş iş rejiminə keçib. Nəqliyyatın hərəkətini tənzimləmək üçün yollara qum və duz səpilir. Lakin buna baxmayaraq bölgədə onlarla kiçik yol-qəza hadisələri qeydə alınıb. /APA/ | | | |
|
Bu il Zaqatalada 262 baş heyvanda brusellyoz xəstəliyi qeydə alınıb
Hafiz Heyder tarih 26.12.2007, 07:11 (UTC) | | | Zaqatalada mal-qara arasında brusellyoz xəstəliyi geniş yayılıb. APA-nın Şəki-Zaqatala bürosunun məlumatına görə, bu il rayonda 262 baş heyvanda brusellyoz xəstəliyi qeydə alınıb. Zaqatala rayon Baytarlıq İdarəsindən faktı təsdiqləyərək bildiriblər ki, bu il Zaqatalada 31585 baş iri buynuzlu, 15842 baş isə xırda buynuzlu mal-qara seroloji müayinədən keçirilib. Müayinə nəticəsində 181 baş iri buynuzlu, 81 baş isə xırda buynuzlu mal-qarada bu bakteriyanın olduğu aşkar edilib. Zaqatala rayon Baytarlıq İdarəsindən həmçinin bildirilib ki, brusellyoz xəstəliyi aşkar olunan heyvanlar xüsusi şəraitdə kəsilərək məhv edilib. Qeyd edək ki, əsasən heyvanlarda müşahidə olunan brusellyoz yoluxucu xəstəlikdir və onun müalicəsi yoxdur. Bu bakteriyaya yoluxan heyvanlar isə yalnız xüsusi şəraitdə məhv edilir. /APA/ | | | |
|
Zaqatalada ölümlə nəticələnə yol qəzası baş verib
Hafiz Heyder tarih 26.12.2007, 07:08 (UTC) | | | Zaqatalada bir nəfərin ölümü ilə nəticələnən ağır yol qəzası baş verib. Zaqatala rayon Poliş Şöbəsindən APA-nın Şəki-Zaqatala bürosuna verilən məlumata görə, hadisə bu gecə saat 01:00 radələrində, Xaldan-Balakən magistral yolunun 112-ci kilometrliyində baş verib. Rayonun Kürdəmir kənd sakini, 1968-ci il təvəllüdlü İsmayıl İsmayılov idarə etdiyi “Vaz-21 015” markalı, 62 BA 222 dövlət nömrə nişanlı avtomobili yüksək sürətlə hərəkət edərkən aşırıb. Qəza nəticəsində maşında olan sərnişin, Bəhmədli kənd sakini 1958-ci il təvəllüdlü Bəkir Qurbanov hadisə yerindəcə keçinib. Avtomobilin sürücüsü İ. İsmayılov isə bədən xəsarəti ilə rayon mərkəzi xəstəxanasına yerləşdirilib. Həkimlər yaralının vəziyyətini kafi qiymətləndirirlər. Faktla bağlı Zaqatala rayon Polis Şöbəsində cinayət işi başlanıb, araşdırma aparılır. /APA/ | | | |
|
Azərbaycanın ilk qadın mexanizatoru Sevil Qazıyevanın Zaqatalada qoyulmuş büstü götürülüb
Hafiz Heyder tarih 24.12.2007, 13:27 (UTC) | | | Azərbaycanın ilk qadın mexanizatoru Sevil Qazıyevanın Zaqatalada ucaldılmış büstü götürülüb. APA-nın Şəki-Zaqatala bürosunun məlumatına görə, büstün götürülməsi rayon ictimaiyyətinin, eləcə də ziyalıların ciddi etirazına səbəb olub.
Hazırda büstün qoyulduğu yerdə yalnız postament qalır. Zaqatala rayon İcra Hakimiyyətinin ictimaiyyətlə əlaqələr şöbəsinin müdiri Nizami Abdullayev isə APA-nın bölgə bürosuna açıqlamasında S. Qazıyevanın büstünün götürülməyəcəyin, sadəcə, yenisi ilə əvəz olunacağını deyib.
Qeyd edək ki, S. Qazıyeva SSRİ vaxtında Azərbaycanın ilk qadın mexanizatoru olub. 1964-cü ildə o, iş başında faciəli şəkildə həlak olub. Ölümündən sonra, Zaqatalanın mərkəzində S. Qazıyevanın büstü ucaldılıb. /APA/ | | | |
|
Balakən rayonundakı orta məktəb müəllimləri dörd aylıq maaşlarını ala bilmirlər
Hafiz Heyder tarih 22.12.2007, 07:51 (UTC) | | | Balakən rayonunun üç orta məktəbinin müəllim heyəti dörd aydır ki, maaş almır. Müəllimlər APA-nın Şəki-Zaqatala bürosuna bildiriblər ki, Balakən rayon 1, 2 və 3 saylı orta məktəb müəllimlərinə yeni dərs ili başlanandan bu günədək hələ də maaş verilməyib. Onlar bu barədə dəfələrlə rayon Təhsil Şöbəsinə (RTŞ) müraciət etdiklərini, lakin problemin həll olunmadığını deyiblər. Balakən RTŞ-dən isə APA-nın bölgə bürosuna bildirilib ki, maaşların gecikməsi həmin məktəblərdə dərs bölgüsünün başa çatmaması ilə bağlıdır, yaxın günlərdə məvaciblərin verilməsinə başlanacaq. /APA/ | | | |
|
|
|
|
|
|
|
| |
Bugün 12 ziyaretçiXOŞ GƏLMİSİZ! |
|
|
|
|
